އިހު ޒަމާނުއްސުރެ ދިވެހިންނަކީ ބެރާއި ގުޅިލާމެހިފައިވާ ބައެކެވެ. އެކިއެކި މުނާސަބަތުގައި ދިވެހިންގެ އެންމެ ބޮޑު މިތުރަކީ ބެރު ކަމުގައި ދެންނެވިދާނެއެވެ. ހަމައެހެންމެ އެކިއެކި ރަސްމިއްޔާތު ތަކުގައި ދިވެހިންނަކީ ތަފާތު ބެރުތައް ޖަހައި އުޅުނު ބައެއްކަން ތާރީޚުން ފެންނަން އެބައޮތެވެ. މީގެ އިތުރުން އިހުގައި ވަގުތުތައް އަންގައިދިނުމަށް ބޭނުންކުރި މައިގަނޑު އެކައްޗަކީވެސް ބެރެވެ.